Prestestronda i Bryggjeparken er statleg sikra for allmenn bruk – og det gir kommunen klare plikter etter lova. Eit statleg sikra friluftsområde kan ikkje omdisponerast til hotell eller andre privatiserande tiltak utan ein grundig, open og dokumentert prosess. Miljødirektoratet slår fast at statleg sikring i seg sjølv er «god nok grunn til å ikkje akseptere omdisponering», og Statsforvaltaren skal føre tilsyn med at kommunane følgjer desse reglane. Likevel ønskjer kommunen no å søke omdisponering utan høyring og utan at innbyggjarane får kome til orde. Det er ikkje i tråd med god forvaltningsskikk, og det svekkar både rettstryggleiken og tilliten til prosessen. Vi krev at kommunen stoppar prosessen, legg saka ut på høyring og respekterer at Bryggeparken er eit felles friluftsområde – ikkje ei byggjetomt.